Fly drone i Tromsø?
Det er ulovleg å fly drone i Tromsø utan løyve frå lokal lufttrafikkteneste.
I Noreg er det ei flyforbodssone for dronar på fem kilometer rundt alle lufthamner. På grunn av den sentrale plasseringa til Tromsø lufthamn, betyr dette at det er ulovleg å fly drone på heile Tromsøya, delar av Kvaløya, Tromsdalen og Tomasjord.
Har du ikkje fått løyve frå lufttrafikttenesta til å fly drone i Tromsø, risikerer du at dronen din blir beslaglagt av politiet, at du får bot og potensielt blir utvist frå Noreg om du er turist.
Her er det forbode å fly drone i Tromsø:
- Heile Tromsøya, inkludert Tromsø sentrum og Telegrafbukta
- Tromsdalen, inkludert Fjellheisen og Ishavskatedralen
- Tomasjord
- Kvaløya, inkludert Kvaløysletta
- Klikk her for å komme til dronekartet for Tromsø.
Søk om løyve i Ninox Drone
Har du behov for å fly drone i Tromsø, kan du søkje om løyve til dette gjennom appen Ninox Drone. Flygeleiarane i tårnet vil då vurdere førespurnaden din opp mot anna trafikk i luftrommet og anten godkjenne eller avslå førespurnaden. Får du avslag på førespurnaden din, ber vi om at dette blir respektert av omsyn til flytryggleiken.
Ninox Drone kan lastast ned anten i App Store eller Google Play Store.