P-område

Vi har ca.1900 parkeringsplassar. Vel om du vil parkere så nært terminalen som mogleg, eller til lågpris litt lenger unna.

Parkeringa startar og stoppar automatisk ved at kamera les registreringsnummeret på bilen inn og ut av flyplassområdet. Du skal ikkje lenger trekkje billett. Det er kamera ved alle parkeringsanlegga, slik at du får den prisen som gjeld for det parkeringsanlegget der du har parkert. P2, P5, P6 og P7 har også tilbod om førehandsbestilling av parkering til ein lågare pris enn ved oppmøte utan bestilling.

Det er fri gjennombrotsstid på 10 minutt. Dersom du oppheld deg lenger på området enn dette, vil det kome parkeringsavgift.

P4 korttidsparkering framfor terminalen

Korttidsparkering P4 startar aust for terminalbygget, og strekkjer seg nesten heile terminalens lengd. Her er 29 parkeringsplassar med skråparkering framfor og etter innkøyring til P2. Betal på følgjande måtar: Automatisk trekk, med mobil, automat i terminalen, eller vent på faktura i posten. Ved faktura kjem fakturagebyr i tillegg.

P2

P2 er plassert rett foran terminalbygget. Området kan nyttast til kort- og langtidsparkering. Du betaler ingen avgift ved utkøyring før det har gått 10 minutt. I helger og ferieperiodar er prisane vesentleg redusert på P2 ved førehandsbestilling. På P2 finn du også reserverte plassar til forflyttingshemma.

P3 - Elbil

P3 er eit område som er skilt ut frå P2 med 24 ladeplassar. Området ligg ved sida av P2 og har eiga innkøyring.