Velg hvilke informasjonskapsler Avinor kan bruke.

Avinor behandler data på denne nettsiden for å gi deg en bedre opplevelse. Vi samler anonym statistikk og bruker informasjonskapsler for å tilpasse innhold og annonser.

Les mer om personvern i Avinor

Personvernerklæring

 

Sist oppdatert 15. mai 2023

Avinors retningslinjer for personvern, cookies og marknadsføring («retningslinjene») gjeld for innsamling og bruk av personopplysningar på:

  • Avinors heimesider; www.avinor.no, profil.avinor.no ("min profil"), reiser.avinor.no og tilbakemelding.avinor.no
  • Avinors passasjerapp ("min profil") for iOS og Android
  • Avinors Wifi-nettverk
  • Avinors ulike digitale tenester, deriblant bookingløysinga for parkering

Avinor AS («Avinor») eig heimesida www.avinor.no, andre nettsider som nemnt over, passasjerappen Avinor og nettverka på Avinors flyplassar i Noreg. Vi ønskjer at du skal føle deg trygg når du brukar nettverket, appen og heimesida vår. Denne erklæringa handlar om korleis Avinor sikrar ditt personvern og korleis vi samlar inn og brukar opplysningar i samsvar med norsk lov.

Kontaktinformasjon:

Om du har spørsmål til desse retningslinjene eller korleis vi behandlar personopplysningar, kan du kontakte oss på eller sende brev til Avinor AS, att: Personvernombod Mari Wiker, Postboks 150, 2061 Gardermoen.

1. BEHANDLINGSANSVARLEG

Avinor v/konsernsjef er behandlingsansvarleg ved handsaminga av personopplysningar.

2. HANDSAMING AV PERSONOPPLYSNINGAR

All bruk av Avinors Wifi-nettverk, heimeside og applikasjonar er basert på frivilligheit.

Kva personopplysningar Avinor behandlar om deg er skildra i desse retningslinjene, sjå punkt 3 og 4. I tillegg behandlar vi ikkje-identifiserbar informasjon om brukarane av våre nettverk, heimesider og applikasjonar. Formålet med dette er å lage statistikk som vi brukar til å forbetre og vidareutvikle tilboda på nettsidene mv. Vi knyter ikkje opplysningane direkte til deg som brukar. Sjå meir om webanalyse og cookies i punkt 6. Avinors heimesider og applikasjonar kan lenke til nettsider eller applikasjonar som er eigde og drifta av andre verksemder. Vi nyttar mellom anna ein ekstern tenestetilbydar for betalingsløysing ved booking av parkering. Frå denne tenestetilbydaren vil vi motta ei kvittering på betalinga du har gjennomført med informasjon om mellom anna beløp, tidspunkt for betaling osv. Utover dette, får vi ikkje innsyn i og behandlar ikkje personopplysningar som blir samla inn på dei eksterne nettstadene som det vert lenka til. Avinor har heller ikkje ansvar for verken innhald eller behandling av personopplysningar på andre nettsider eller applikasjonar. 3. NÆRMARE OM AVINORS PASSASJERAPP Avinors passasjerapp er ei digital teneste som vil gje deg tilrettelagt reiseinformasjon og ei betre oppleving på Avinors lufthamner i Noreg. Formålet er å gje deg relevant, tilpassa og oppdatert informasjon om reisa di, som til dømes innsjekkingsskranke, gate-informasjon og eventuelle endringar i flytid/gate basert på kvar du er og kvar du skal. Appen tilbyr i tillegg aktuelle og tilpassa tenester eller produkt frå Avinor eller Avinors samarbeidspartnarar, som parkering, butikkar, restaurantar osv.Du kan òg booke parkering gjennom Avinor sine heimesider.

Hvis du ønskjer å motta relevant og tilpassa informasjon og tilbod gjennom Avinors passasjerapp, treng Avinor å samle inn og behandle informasjon om deg, til dømes namn, adresse, telefonnummer, flightnummer og andre ikkje-sensitive personopplysningar slik som demografiske data, historikk og preferansar.

I appen bestemmer du sjølv kor mykje reiseinformasjon du ønskjer å legge inn utover flightinformasjon.

All behandling av personopplysningar skjer i samsvar med norsk lov og er anten basert på frivillig og informert samtykke frå den enkelte brukar eller nødvendig for å gjennomføre ein avtale med brukaren. Samtykke kan på eit kvart tidspunkt takast tilbake. Du vil òg kunne samtykke til at vi tilpassar informasjon og tilbod til din brukarprofil.

Dei innsamla personopplysningane frå Avinors passasjerapp blir behandla og lagra i nettskyløysingane Microsoft Azure og Salesforce. Sjå òg punkt 9.

4. FORMÅLET MED BEHANDLINGA

Det er frivillig å bruke Avinors nettverk, heimeside og applikasjonar samt å oppgi personopplysningar i samband med desse tenester som mogleggjer mottak av informasjon, nyheiter, aktuelle tilbod osv. Vi vil bruke opplysningane om deg til følgjande formål:

(i) Gjennomføre ein eller fleire avtaler inngått med deg som brukar ved formidling av tenester gjennom Avinor-appen.

(ii) For statistikk, aggregering og administrasjon av nettsidene og tenestene.

Informasjon blir innhenta for at Avinor skal få ytterlegare informasjon om brukarane, blant anna for å spore generelle bruksmønster. Denne informasjonen bruker vi til å administrere og forbetre tenestene våre, samt til å tilretteleggje kapasiteten og logistikken på flyplassen og dermed forenkle og forbetre passasjeropplevinga og bidra til ei sømlaus reise. Opplysningane vi samlar inn gjennom Avinors passasjerapp og nettside, vil dessutan bli brukt som angitt i samtykkeerklæringa som kan visast når du gir ditt samtykke, og ellers i «min profil» i app eller på nettside. Her kan du òg administrere dine samtykke, altså gi eller trekkje tilbake eit samtykke. 5. KVILKE OPPLYSNINGAR BLIR HANDSAMAR? Vi handsamar både personleg identifiserbar informasjon og ikkje-personleg identifiserbar informasjon om deg. Personleg identifiserbar informasjon er opplysningar som identifiserer deg som enkeltperson. Ikkje-personleg identifiserbar informasjon er informasjon og eventuelle andre opplysningar som ikkje avslører din personlege identitet.

Personleg identifiserbar informasjon

Avinor samlar inn og handsamar følgjande opplysningar om deg avhengig av kva tenester du nyttar:

(i) Ved bruk av Avinors wifi på flyplassane:

  • MAC-adresse, IMEI-nummer og IP-adresse. Vi knyter ikkje desse opplysningane direkte til deg som brukar før du eventuelt registrerer deg i Avinors passasjerapp eller nettsider. Opplysningane bruker vi til å administrere og vedlikehalde sidene våre.
    • Eksempel på kva statistikken gir svar på er: kor mange som besøker ulike sider, kor lenge besøket varer, kva nettsider brukarane kjem frå og kva nettlesar som blir brukt. Det gjer det mogleg for oss å utarbeide stadig betre og meir brukarvenlege tilbod.

(ii) Viss du rettar ein førespurnad til Avinor til dømes sender oss ein e-post, vil relevante opplysningar kunne bli lagra, til dømes namn og e-postadresse.

(iii) Viss du loggar deg inn på «min profil» gjennom nettsidene eller Avinors applikasjonar:

  • Namn, adresse, postnummer, stad, telefonnummer, fødselsdato, kjønn, e-postadresse, betalingskort, bonuskort, registreringsnummer køyretøy, reiseinformasjon som destinasjon og tidspunkt for reisa.
  • Mac-adresse og IMEI-nummer, opplysningane brukar vi til å administrere, vedlikehalde sidene våre samt forenkle innlogging. Eksempel på kva statistikken gir svar på er: kor mange som besøker ulike sider, kor lenge besøket varer, kva nettsider brukarane kjem frå og kva nettlesar som blir brukt. Det gjer det mogleg for oss å utarbeide stadig betre og meir brukarvenlege tilbod.
  • Viss du bestiller parkering gjennom Avinor sine heimesider eller applikasjonar vil relevante opplysningar som e-postadresse, namn, adresse, mobilnummer og informasjon om bilen slik som registreringsnummer, bilmerke, modell og farge lagrast, samt opplysningar om tidspunktet for parkeringa, varigheita av parkeringa og kor mykje du betalte for parkeringsreservasjonen lagrast.
  • Viss du følgjer ein flight i passasjerappen vil du motta push-varslingar om status på aktuell flyreise.Denne typen varsel kan aktiverast eller deaktiverast i eininga sine innstillingar.

Avinor innhentar ikkje meir informasjon enn det som til kvar tid er naudsynt for å forenkle og forbetre di reiseoppleving, i samsvar med kva du har samtykka til.

Nærare om lokaliseringsdata

Avinors passasjerapp nyttar seg av lokaliseringsdata for å tilpasse brukaropplevinga (t.d. finne næraste flyplass), informasjon og dei tilboda du får til kor du oppheld deg, aktuell reise mv.

Applikasjonen vil gi deg eit varsel før vi byrjar å samle inn og behandle dine lokaliseringsdata, og varselet gir deg moglegheit til å velje om du ønskjer å gi Avinor tilgang til lokalitetstenester eller ikkje. Du kan til einkvar tid velje å deaktivere lokalitetstenestene på di eining.

6. WEBANALYSE OG COOKIES MV.

Webanalyse

For å kunne lage løysingar for eit så brukarvenleg nettstad som mogleg, bruker vi analyseverktøyet PostHog. Ved hjelp av PostHog kan vi samle inn data og analysere korleis avinor.no blir brukt. PostHog behandlar data i Europa. Vi lagrar ikkje IP-adressa di.

  • Unik ID: Ein tilfeldig generert ID.Denne blir ikkje spora på tvers av domene.
  • Sidevisningar: Alle sidevisningar du gjer.
  • Referrer: Sida du kjem frå, blir lagra dersom det er tilgjengeleg.
  • User Agent: Vi les User Agent-headeren for å hente ut informasjon om kva nettlesar og operativsystem du brukar.
  • Tid: Tid du brukar på ei side.

Cookies og LocalStorage

Avinors heimeside og applikasjonar nyttar cookies, SessionStorage og HTML5 LocalStorage.Cookies er små informasjonskapslar (tekstfiler) som appen spør nettlesaren din om å lagre på den mobile eininga.SessionStorage lagrar personopplysningar midlertidig og blir sletta når brukaren lukkar nettlesarvindauget.LocalStorage er nyare teknologi, men har mykje av den same funksjonaliteten.Dette gjer at appen mellom anna kan hugse handlingane eller preferansane dine over tid, og dermed blir meir brukarvenleg.Avinors heimeside og applikasjonar bruker følgjande:

Visual Studio App Center:

Vi sporer bruken av Avinors passasjerapp og all innsendt data er anonymisert.

Sosiale medium:

Vi sporer trafikk frå avinor.no til Avinors sosiale medium-sider: Facebook, Twitter og Instagram.

Slik deaktiverer du cookies i nettlesaren din:

Visning av videoar i Youtube

På nokre av våre nettsider vil du sjå at vi nyttar YouTube for å vise videoar. YouTube lagrar cookies, som til dømes personlege innstillingar og informasjon om bandbreidde. Dette er i likskap med Google Analytics også underlagt Googles retningslinjer for personvern.

Brukarundersøkingar

Vi gjennomfører med jamne mellomrom brukarundersøkingar for å kunne forbedre våre tenester. Vi bruker Task Analytics for å måle og forbedre brukaropplevinga di på nettsida.

7.DET RETTSLEGE GRUNNLAGET FOR HANDSAMINGA

Vi handsamar personopplysningar på grunnlag av følgjande handsamingsgrunnlag i samsvar med personopplysningslova som implementerer EUs personvernforordning 2016/679 (GDPR):

  • Ditt samtykke til handsaming, jf. artikkel 6 (1) (a)
  • Handsaminga er naudsynt for å oppfylle ein avtale med deg, jf. artikkel 6 (1) (b)
  • Ein for oss rettkomen interesse i å forbetre nettsider, applikasjonar og andre tenester og tilbod på flyplassane, jf. artikkel 6 (1) (f)

8.DIREKTE MARKNADSFØRING

Om du opprettar ein personleg profil på Avinor si heimeside eller i Avinor sin passasjerapp, kan du samtykke til at Avinor samlar inn og handsamar personopplysningar om deg, samt motta nyttig informasjon knytta til di reise i tillegg til tilpassa tilbod, tenester, nyheitsbrev, konkurransar, kundeundersøkingar og anna marknadsføring frå Avinor og våre samarbeidspartnarar.

Tilboda vil gjelde alle typer produkt, tenester og ytingar som er relevante for reisande på Avinors flyplassar og som blir tilbydd av Avinor eller våre samarbeidspartnarar, inkludert butikkar, serveringsstader, flyselskap og andre leverandørar eller partnarar. Dersom du samtykker til dette, vil du kunne motta informasjon om produkt og tenester som er relevante for deg gjennom e-post, MMS, SMS og pushmeldingar. Du vel å motta tilbod gjennom ved å gå inn på dine personlege innstillingar under «min profil».

Du vil motta kommersiell informasjon gjennom nyheitsbrev, e-post osv. gjennomsnittleg 1 gong i månaden.I tillegg vil du motta pushmeldingar gjennom Avinors passasjerapp i samband med di reise til og frå lufthamna og medan du oppheld deg inne på lufthamna så framt du har installert appen og akseptert stadlokalisering.

Du vil òg kunne samtykke til at vi sender deg informasjon spesielt tilpassa din brukarprofil. Alternativt vert meir generelle nyheitsbrev sendt til deg.

Viss du ikkje lenger ønskjer å motta tilbod frå Avinor eller våre samarbeidspartar, kan du når som helst trekkje ditt samtykke tilbake, ved å melde deg av mottak av marknadsføring på dine personlege innstillingar i «min profil».

Vi tillèt ikkje ein tredjepart å bruke dine personopplysningar for marknadsførings- eller kommunikasjonsføremål, med mindre du har samtykt i dette. Tilbod og andre meldingar vert lagt ut av leigetakar og annonsør i eigen løysing, men formidla via Avinors system. Samarbeidspartar eller annonsørar har ikkje tilgang til dine identifiserbare personopplysningar.

9. DATABEHANDLARAR

Avinor har inngått avtale med følgjande databehandlarar:

  • Microsoft - leverandør av skyløysinga Azure der personopplysningane vert lagra
  • Salesforce – leverandør av skyløysinga for Avinors kundekommunikasjon og digitale marknadsføring

Avinor har inngått skriftlege avtalar med alle våre databehandlarar og underleverandørar. Overføring av personopplysningar til ein databehandlar eller underleverandør utanfor Noreg vil skje i samsvar med dei til ei kvar tid gjeldande reglar for personvern og krav til informasjonssikkerheit.

10.HVORDAN SIKRAR VI OPPLYSNINGANE?

Avinor har etablert reglar og rutinar for vern av personvern i samsvar med reglane i personopplysningslova. Vi vil bruke alle rimelege forsiktigheitsreglar for å sikre at våre tilsette, databehandlarar og tredjepartar opptrer i samsvar med desse retningslinjene og våre forpliktingar etter personvernlovgjevinga, inkludert prinsippa om innebygd personvern og dataminimering.

Avinor har òg eit personvernombod, sjå kontaktinformasjon innleiingsvis.

11. DINE RETTAR

Alle personar som spør har rett til informasjon om eventuell behandling av personopplysningar i ei verksemd etter personopplysningslova. Avinor har gitt informasjonen i denne erklæringa.

Du har rett til innsyn i eigne opplysningar. Dersom opplysningane er uriktige, ufullstendige eller det ikkje er adgang til å behandle dei, kan du òg be Avinor rette eller slette opplysningane. Sjå kontaktopplysningar innleiingsvis i denne erklæringa.

Hvis du meiner at vi behandlar dine personopplysningar utan rettsleg grunnlag, kan du klage til Datatilsynet, men vi oppmodar deg om å kontakte oss slik at vi dels kan ta stilling til dine innvendingar og dels at vi kan oppklare eventuelle misforståingar.

Vi verken behandlar eller lagrar opplysningar om deg lenger enn naudsynt for føremålet eller for det som krevst i samsvar med samtykket du har gitt, for innhaldet i inngåtte avtalar, og ikkje utover lovas rammer. Vi slettar personopplysningane når dei ikkje lenger er naudsynt for føremålet dei er innhenta for.