Fly drone i Noreg
Her finn du nødvendig informasjon om å fly drone i Noreg, oversikt over kvar du kan fly drone, og kva du må tenkje på før du skal fly drone rundt Avinor sine flyplassar.
Droneinformasjon
Droneappen Avidrone
Avidrone er Avinors nye droneapp som erstattar den tidlegare appen Ninox Drone frå 8. desember 2025.
I Avidrone får du som dronepilot ein god oversikt over forbodssoner for dronar, i tillegg til at du kan søkje om løyve til å fly innanfor forbodssona til fleire flyplassar direkte i droneappen. Avidrone gir deg som dronepilot også moglegheit til å leggje inn droneplanen din slik at flyginga di vert synleg også for andre dronepilotar i området.
Avidrone er ein heilt ny droneapp frå Avinor som framleis er under utvikling. Det vil etter kvart bli rulla ut fleire funksjonar i droneappen som skal gjere det enklare for deg som flyg drone.
Avidrone blir tilgjengeleg på nett, i App Store og Google Play og kan tas i bruk frå 8. desember 2025.
Dette kan du forvente i fyrste utgåve av Avidrone
Ei utfordring mange dronepilotar opplever er å halde oversikt over kva restriksjonar som gjeld i ulike luftrom. Avidrone skal bidra til å gjere dette meir forståeleg og brukarvennleg.
Avidrone gjev deg som dronepilot moglegheit til å søkje om løyve til å fly drone innanfor forbodssona på fem kilometer til ei rekkje flyplassar. Dette gjeld for følgjande flyplassar:
Oslo lufthamn, Bergen lufthamn, Trondheim lufthamn, Stavanger lufthamn, Bodø lufthamn, Tromsø lufthamn, Sandefjord lufthamn, Kristiansund lufthamn, Haugesund lufthamn, Alta lufthamn, Bardufoss lufthamn, Harstad/Narvik lufthamn, Kirkenes lufthamn, Andøya lufthamn, Lakselv lufthamn, Mo i Rana lufthamn, Ørsta/Volda lufthamn, Vadsø lufthamn, Sørkjosen lufthamn, Sandane lufthamn, Mosjøen lufthamn, Båtsfjord lufthamn.
Avidrone vil gi brukarane eit betre situasjonsbilete av aktivitet i luftrommet gjennom å introdusere fleire overvakingskjelder. Dette for å auke tryggleiken til både dronepilotar og andre brukarar av luftrommet.
Dette kan du forvente framover i Avidrone
Avidrone vil etter kvart utvidast til å gjelde for alle Avinors flyplassar. Det betyr at du ved alle Avinors 43 flyplassar vil kunne bruke Avidrone til å søkje om løyve til å fly innanfor forbodssona.
Avidrone vil etter kvart leggje til rette for at andre myndigheiter skal kunne gi løyve for droneflygingar i luftrom som dei er ansvarlege for, anten manuelt eller automatisk innanfor gitte kriterium.
Med ein solid auke av droneaktivitet kvart år vil det bli eit større behov for å ha oversikt over kven som flyg kvar, spesielt i område der det pågår mykje samstundes aktivitet. Det felleseuropeiske regelverket for U-space opnar for at det kan etablerast spesifikke luftrom der droneoperatørar og tenesteleverandørar må oppfylle konkrete krav for å operere. Avidrone skal leggje til rette for ei slik utvikling i luftfarten.