Miljøstyring

Oslo lufthamn skal oppretthalde ISO14001-sertifisering og ACA-sertifisering på nivå 3+.

Miljøpolicy og styring

For å skape ein tydeleg felles retning i Avinors miljøarbeid, har konsernleiinga vedteke ein konsernovergripande policy for miljø og samfunnsansvar. Denne dannar ramma for miljøarbeidet ved Oslo lufthamn.

Miljøstyring ved Oslo lufthamn er ein integrert del av konsernet sitt styrings- og leiingssystem, men med nokre lokale tilpassingar. Vi nyttar miljøstyring metodisk for å få eit samla grep om miljøarbeidet både internt i selskapet og blant øvrige aktørar på flyplassane.

Oslo lufthamn har sidan 24. mars 2014 vore sertifisert etter miljøstandarden ISO 14001 og inngår frå 2017 i eit konsernfelles sertifikat.

Strenge krav

For å styre miljøarbeidet er det nødvendig å ha kontinuerleg oversikt over selskapet sine miljøpåverknader og myndighetspålagde miljøkrav. Særleg viktige rammevilkår for flyplassdrifta er konsesjonskrava knytt til kollektivandel og støy, utsleppsløyvet for vatn og grunn frå Miljødirektoratet samt Luftfartstilsynet sin forskrift om støyforbygging.

Kartlegging av miljøpåverknad

Vi har kartlagt lufthamna sine miljøpåverknader. Avinor sine identifiserte vesentlege miljøaspekt er: Kjemikalieforbruk, transport og klima, fly- og helikopterstøy, energi, innkjøp, bygg- og anleggsprosjekt samt naturmiljø.