Taxi

Taxi til Oslo lufthamn

Det tek ca. 40 minutt å køyre frå Oslo S til flyplassen.

Viss du skal ta taxi frå flyplassen, anbefaler vi at du oppsøkjer bookingautomaten for taxi som er plassert utanfor terminalen på bakkenivå i same området der taxi plukkar opp passasjerar. Der vil du kunne bestille taxi, samt finne oversikt over prisar til dei fleste adresser på Austlandet. Normalt kjem taxien innan 3 til 5 minutt. 

Frå 1. november blir yrkestransportlova endra, og dette medfører at fleire aktørar kan drive taxiverksemd i Noreg. Reisande bør vere merksame på at prisane kan variere, og at taxisjåførar er pliktige til å informere om førehandspris før turen startar. 

Vi gjer merksam på at det må bestillast taxi før avreise på anten automatane eller via taxiselskapa sine eigne bestillingsappar. Vi åtvarar mot å setje seg inn i ein taxi utan førehandsbestilling, eller å gjere ein avtale direkte med ein taxisjåfør ute eller inne på terminalen. 

Er du brukar av TT-kort må du bestille og nytte taxi frå eit selskap som er godkjent av di helseregion. Deretter vil du bli henta av taxien i taxiområdet på terminalen.

Taxihaldeplassen finn du rett utanfor ankomsthall utland på flyplassen.