Sjekk inn hjå flyselskapet du reiser med:

Reiser du med berre handbagasje kan du gå rett til sikkerheitskontrollen når du har sjekka inn på Internett eller mobil.

Har du bagasje du skal sjekke inn, kan du skrive ut bagasjelapp frå innsjekkingsautomatane på flyplassen. Bagasjen leverer du deretter i skranken merka bagdrop.

Flyplassen tilbyr ikkje innsjekking på automat.

Informasjonsskjermar på flyplassen viser deg kva for innsjekkingsskranke du skal bruke.

For nokre flyselskap og strekningar kan du gå direkte til sikkerheitskontrollen utan å sjekke inn fyrst dersom du berre har håndbagasje. Forsikra deg alltid om at dette gjeld di reise før du nyttar denne muligheiten!

Syt for at du kjem til flyplassen tidleg nok. Kor lenge før avgangen du må møte varierer frå flyselskap til flyselskap, så hugs å sjekke kva tid som gjeld for deg. Dei vanlegaste oppmøtetidene er:

• Innanlands: seinast 1 time før avgang

• Utanlands: seinast 1 ½ time før avgang

• Charter: seinast 2 timer før avgang

På charterflygingar stengjer ofte innsjekkinga éin time før avgang.

Hugs at det i ferieperiodar er ekstra viktig å møte opp i god tid.

Ein del flyselskap lèt deg velje sete sjølv når du sjekkar inn via selskapet sine nettsider eller på innsjekkingsautomat. Seteregistreringa opnar som oftast eitt døgn før avreise.

Har du ikkje valt sete sjølv, vil du få tildelt plass ved innsjekking på flyplassen. Ein del lågprisselskap tildeler ikkje fast seteplass, og du vel sjølv plass når du kjem på flyet.